Site personnel lillérois

Ej' voudros vous faire rire
Mais, mes gins, acoutez !
Ch'est fort facile à dire,
Mais ch'nest pas si vite fait.
Et pourtant sur Lillers
J'avos fait quèques couplets,
Mais si j'reste l'bec in l'air,
I faudra pont m'chiffler.

REFRAIN
Sur l'air du tra la la la (bis)
Sur l'air du tra dé ri dé ra, tra la la

I
On dit qu'dins l'temps Lillers iétot pitit
Tout l'monte i s'avot querre, tout l'monde i étot ami,
On s'parlot in riant et on s'pardot la main,
On étot tous d'accord pour canter l'même refrain.

REFRAIN
Sur l'air du tra la la la (bis)
Sur l'air du tra dé ri dé ra, tra la la

II
Y'avot autrefois que tros machons
Ch'étot cor ed'trop pour faire chés masons.
Dins tous chés rues à ch't'heure, in n'vot qu'briques et mortier
On fait même des masons dins chés anciens fossés.

III
Y'avot autrefos qu'tros estaminets,
Y'avot l'café Français, ch'étot du distingué.
A ch't'heure si faudrot boire inne pinte à chaque cabaret,
On n'nérot pour quinze jours à boire sans s'arrêter.

IV
Quand on voulot inne femme, à ses gins on parlot,
On étot bien contint quand in vous l'accordot.
A ch't'heure qu'i sont tertoutes presque émancipées,
Ch'est chés pères et mères qui vous d'mandent pour l'marier

V
Quand on allot au bal on partot à quatre heures
I fallot être rintré pour souper à sept heures.
A ch't'heure on s'in va après dij'heures et d'mi,
Aussi on fait la noce tout du long de l'nuit.

VI
Y'avot autrefos pont tant d'ambition.
On portot inne cotelle et inne blouse in molleton.
A ch't'heure, ch'est des bas gaunes, des robes et des mantieaux,
Quand i vont au mariache, i leu faut des gants d'piau

VII
Quand i n'y avot pont d'gaz, in étot éclairé
Din chés rues, sur chés plaches, par des lampes, des quinquets.
A ch't'heure, cha sonne si bieau que d'tous les côtés,
On met l'électricité dins les commodités.

VIII
Quand i n'y avot pont d'quemin d'fer, tout l'monte allot à pied,
On partot pour l'Béthune, Arras ou pour l'Bassée,
A ch't'heure si faudrot faire six quarts d'heure ed' quémin,
Cha sérot inne affaire si in n'pardrot pas ch' train.

IX
A ch't' heure, ch'est des vélos, des motos, des autos.
On s'in va pour quinze jours, tros s'maines ou bin in mos.
ET on part pour l'Espagne ou bien pour l'Italie
Mais on est fin bénache quand on arvient chi.

- FIN - FREMICOURT
Anselme Frémicourt, Lillérois, était en 1900 celui que l'on recherchait à toutes les fêtes.
Très gai et amusette, on aimait le voir, l'entendre chanter les chansons qu'il composait.

Ach' marqué d'Lillers (extrait)

L'aute jour à ch'marqué d'Lillers, m'femme m'acate in bieau patalon.
J'li dis comme cha, faut l'raccourchir parc' qu'i est in p'tit peu trop long!
V'là ti pas qu'l'alguazile à s' met à l' raccourchir.
Deux fos à l' m^me gambe, aussi mes amis,
j'ai bien dû rire malgré mi.
Avec inne femme parelle, je n'sus pont sans, in vérité !
J'deviens sec comme inne archelle, du mauvais sang que j'm'fais.
Tra la la la la la la.